【两会观察】黄南州人民检察院工作报告名词解释来啦!(藏文)
ཞིབ་དཔྱོད་ལས་ཁུངས་ཀྱིས་བཅའ་ཁྲིམས་ལྟ་སྐུལ་གྱི་འགན་ནུས་ལ་རྐང་བཙུགས་ཏེ། ཉེས་དོན་གྱོད་གཞི་མྱུལ་ཞིབ་དང་སྲིད་འཛིན་ཁྲིམས་བསྟར་ལས་ཁུངས་ཀྱིས་སྲིད་འཛིན་ཁྲིམས་འགལ་གྱོད་གཞི་སྒྲུབ་པའི་ལས་རིམ་དུ། ཁྲིམས་བཀོད་ཀྱི་གྱོད་སྒྲུབ་གོ་རིམ་སྔོན་ལ་རང་འགུལ་ལམ་འབྲེལ་ཡོད་སྡེ་ཁག་གི་གདན་ཞུ་ལྟར་གྱོད་གཞི་ལས་སྒྲུབ་ལ་ཞུགས་པའི་བྱ་བའི་ལམ་སྲོལ་ཡིན།
སྤྱི་ཚོགས་དོ་དམ་སྒྲིག་རིམ་ལ་གནོད་སྐྱེལ་བའི་ཉེས་གསོགརྒྱལ་ཁབ་ལས་ཁུངས་ཀྱིས་སྤྱི་ཚོགས་ལ་དོ་དམ་བྱེད་པའི་བྱེད་སྒོ་ལ་གནོད་སྐྱེལ་བ་དང་། སྤྱི་ཚོགས་ཀྱི་རྒྱུན་ལྡན་སྒྲིག་རིམ་གཏོར་བཤིག་བཏང་སྟེ་གནས་ཚུལ་ཚབས་ཆེན་ཡིན་པའི་བྱ་སྤྱོད་ལ་ཟེར།
སྤྱི་ཚོགས་རིང་ལུགས་ཁྲོམ་རའི་དཔལ་འབྱོར་གྱི་སྒྲིག་རིམ་ལ་གནོད་སྐྱེལ་བའི་ཉེས་གསོག
རྒྱལ་ཁབ་ཀྱི་དཔལ་འབྱོར་དོ་དམ་ཁྲིམས་སྲོལ་དང་འགལ་ཏེ། སྤྱི་ཚོགས་རིང་ལུགས་ཁྲོམ་རའི་དཔལ་འབྱོར་འཁོར་བསྐྱོད་དང་དོ་དམ་བྱེད་སྒོའི་ཁྲོད་ཁྲིམས་འགལ་དཔལ་འབྱོར་གྱི་བྱེད་སྒོ་སྤེལ་ཏེ། སྤྱི་ཚོགས་རིང་ལུགས་ཀྱི་ཁྲོམ་རའི་དཔལ་འབྱོར་གྱི་སྒྲིག་རིམ་ལ་གཏོར་བཤིག་ཚབས་ཆེན་བྱས་པའི་བྱ་སྤྱོད་ཡིན།
ཉེས་གསོག་ཐོབ་ཆ་འགེབས་གསང་སྦས་སྐུང་བྱེད་པའི་ཉེས་གསོགཉེས་གསོག་ཐོབ་ཆ་དང་དེའི་ཁེ་སྤོགས་ཡིན་པ་ཤེས་བཞིན་དུ། དེ་སྦས་སྐུང་དང་གནས་སྤོ། ཉོ་བསྡུ། ཚབ་ཚོང་བྱེད་པའམ་ཡང་ན་བྱེད་ཐབས་གཞན་སྤྱད་དེ་གཡོ་འགེབས་དང་སྦས་སྐུང་བྱེད་པའི་བྱ་སྤྱོད་ལ་ཟེར།
ཆ་འཕྲིན་དྲ་རྒྱའི་ཉེས་གསོག་བྱ་འགུལ་ལ་རོགས་རམ་བྱེད་པའི་ཉེས་གསོགམི་གཞན་གྱིས་ཆ་འཕྲིན་དྲ་རྒྱར་བརྟེན་ནས་ཉེས་གསོག་བྱེད་པ་ཤེས་བཞིན་དུ། དེ་ལ་ལག་རྩལ་གྱི་རྒྱབ་སྐྱོར་དང་བརྡ་ཁྱབ་ཁྱབ་སྤེལ། གཏོང་སྤྲོད་བསྡོམས་རྩིས་སོགས་ཀྱི་རོགས་རམ་བྱས་ཏེ། གནས་ཚུལ་ཚབས་ཆེན་ཡིན་པའི་བྱ་སྤྱོད་ལ་ཟེར།
བྱང་བུ་གཉིས་ནི་ཁ་པར་བྱང་བུ་དང་དངུལ་བྱང་ལ་ཟེར།
ཞིབ་དཔྱོད་མི་སྣས་གྱོད་སྒྲུབ་ཁྲོད་ཤེས་རྟོགས་བྱུང་བའི་ལྟ་སྐུལ་བྱེད་ཆོག་པའི་ཁུངས་སྣེ་དེ་འགན་དབང་ཁྱབ་ཁོངས་ནང་ལྟ་སྐུལ་བྱེད་པར་བསྲིང་དགོས་པ་དང་།ཞབས་ཞུ་བྱ་ཡུལ་ལ་ཕྱོགས་བསྡུས་སྒོས་ཞིབ་དཔྱོད་འགན་ནུས་སྣ་ཚོགས་ཀྱིས་ཞབས་ཞུ་བྱེད་པར་བསྲིང་དགོས།དུས་མཚུངས་སུ་ཞིབ་དཔྱོད་ལས་ཁུངས་ནང་ཁུལ་གྱི་ལྟ་སྐུལ་ཚོད་འཛིན་དེ་རང་འགུལ་གྱིས་རང་བརྟག་བྱེད་པར་བསྲིང་སྟེ། སྤུས་འབྲས་མཐོ་བའི་སྒོ་ནས་གྱོད་གཞི་རེ་རེ་ལེགས་པོ་བསྒྲུབས་རྒྱུར་མངོན་འགྱུར་ཡོང་བར་རམ་འདེགས་བྱེད་དགོས་པ་ལ་ཟེར།
དམངས་དོན་ཞུ་གཏུག་རྒྱབ་སྐྱོར།དམངས་དོན་ཁེ་དབང་ལ་གནོད་ཐེབས་པའི་དོ་བདག་གིས་འབྲེལ་ཡོད་སྲིད་འཛིན་ལས་ཁུངས་དང་སྤྱི་ཚོགས་རྩ་འཛུགས་སོགས་བརྒྱུད་དེ་ཁྲིམས་ལྟར་འགན་སྒྲུབ་བྱས་རྗེས་ཁྲིམས་མཐུན་ཁེ་དབང་ལ་སྔར་བཞིན་སྲུང་སྐྱོང་ཐོབ་མ་ཐུབ་པ་དང་། དོ་བདག་ལ་ཁེ་དབང་སྲུང་བའི་འདུན་པ་ཡོད་མོད། གཏུག་བཤེར་ནུས་པ་ཞན་སྟབས་གཏུག་བཤེར་ལ་དཀའ་ཁག་ཡོད་པ་སོགས་ཀྱི་རྒྱུ་རྐྱེན་གྱིས་གཏུག་བཤེར་བྱེད་མི་ཕོད་པ་ལ། མི་དམངས་ཞིབ་དཔྱོད་ཁང་གིས་ཞུ་གཏུག་རྒྱབ་སྐྱོར་བྱས་ཆོག
“ཟས་རིགས་སྨན་རྫས་བདེ་འཇགས་ཕན་ལམ་བསྐྱོད་པའི”སྤྱི་ཕན་གཏུག་བཤེར་ལྟ་སྐུལ་བྱ་འགུལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཟས་རིགས་སྨན་རྫས་བདེ་འཇགས་ལྟ་སྐུལ་དོ་དམ་ནན་མོ་བྱེད་དགོས་པ་བཞིའི་བྱ་བའི་བླང་བྱ་ལྟར། སྤྱི་ཕན་གཏུག་བཤེར་ཞིབ་དཔྱོད་འགན་ནུས་གང་ལེགས་འདོན་སྤེལ་བྱས་ཏེ། སྤུས་མཐོ་པོའི་སྒོ་ནས་ཟས་རིགས་སྨན་རྫས་བདེ་འཇགས་ཁྱབ་ཁོངས་ཀྱི་སྤྱི་ཕན་གཏུག་བཤེར་གྱོད་གཞི་ལས་སྒྲུབ་བྱེད་པ་དང་། བྱ་འགུལ་འདིའི་དུས་ཡུན་ལོ་གཅིག་ཡིན།
འཛིན་བཟུང་དང་ཞུ་གཏུག་ཆད་ལུས་ཤོར་བ་ཡོ་བསྲང།ཞིབ་དཔྱོད་ལས་ཁུངས་ཀྱི་ཉེས་དོན་གཏུག་བཤེར་ལྟ་སྐུལ་གྱི་ནང་དོན་གཙོ་བོ་ཡིན་པ་དང་། འཛིན་བཟུང་ཆད་ལུས་ཤོར་བ་ནི་འཛིན་བཟུང་བྱེད་དགོས་མོད་མྱུལ་ཞིབ་ལས་ཁུངས་ཀྱིས་འཛིན་བཟུང་རེ་ཞུ་མ་བྱས་པ། ཞུ་གཏུག་ཆད་ལུས་ཤོར་བ་ནི་ཞུ་གཏུག་བྱེད་དགོས་མོད་མྱུལ་ཞིབ་ལས་ཁུངས་ཀྱིས་ཞུ་གཏུག་སྐྱེལ་སྤྲོད་མ་བྱས་པ་ཡིན། དམིགས་འབེན་ནི་ཉེས་གསོག་བདའ་འདེད་བྱེད་པ་དང་རྡུང་རྡེག་བྱེད་མི་ཐུབ་པ་འགོག་ཆེད་ཡིན།
དམངས་དོན་ལག་བསྟར་ཐེངས་དེར་མཇུག་སྒྲིལ་བའི་གོ་རིམ་ལྟ་སྐུལ།ཞིབ་དཔྱོད་ལས་ཁུངས་ཀྱིས་མི་དམངས་ཁྲིམས་ཁང་གི་དམངས་དོན་ལག་བསྟར་ཐེངས་དེར་མཇུག་སྒྲིལ་བའི་གོ་རིམ་གྱི་གྱོད་གཞིར་ཆེད་དུ་བཅའ་ཁྲིམས་ལྟ་སྐུལ་བྱེད་པའི་བྱ་འགུལ་ཡིན་ལ། ཁྲིམས་འགལ་བྱ་སྤྱོད་ཡོ་བསྲང་བྱས་ཏེ་ལག་བསྟར་གོ་རིམ་ཚད་ལྡན་གཏོང་བ་དང་། ལག་བསྟར་རེ་ཞུ་མཁན་གྱི་ཁྲིམས་མཐུན་ཁེ་དབང་འགན་སྲུང་བྱས་ཏེ། ཁྲིམས་འཛིན་དྲང་གཞག་དང་ཡིད་རྟོན་ལ་སྲུང་སྐྱོང་བྱེད་པར་ཟེར།
ཞིབ་དཔྱོད་ཁང་གིས་ལས་ཁུངས་གཉིས་ལ་ལྟ་སྐུལ་བྱེད་པ།ཁྲིམས་ཁང་ལ་སྐུལ་འདེད་བྱས་ཏེ་ཁྲིམས་ལྟར་སྲིད་འཛིན་གྱོད་གཞི་འདྲི་གཅོད་དང་ལག་བསྟར་བྱེད་པ་དང་། སྲིད་འཛིན་ལས་ཁུངས་ལ་སྐུལ་འདེད་བྱས་ཏེ་ཁྲིམས་ལྟར་འགན་དབང་སྒྲུབ་པར་ཟེར།
“ཁྲིམས་བཀོད་མིན་པའི”ཁྱབ་ཁོངས།བཅའ་ཁྲིམས་ཀྱིས་གཏན་འཁེལ་བྱས་པའི་ཁྱབ་ཁོངས་ལས་གཞན། སྤྱི་པའི་བདེ་འཇགས་གཞན་ལའང་འདྲ་མཉམ་སྒོས་སྲུང་སྐྱོབ་བྱེད་དགོས་པའི་ཁྱབ་ཁོངས་ལ་ཟེར།
ཞིབ་དཔྱོད་ལས་ཁུངས་ཀྱིས་བཅའ་ཁྲིམས་ལྟ་སྐུལ་འགན་སྒྲུབ་བྱེད་པའི་བརྒྱུད་རིམ་ཁྲོད། གཞི་གྲངས་ཅན་དང་རིག་ནུས་ཅན་གྱིས་སྔར་བས་ལྷག་པར་ནུས་མཐོ་དང་གནད་དུ་འཁེལ་བའི་ཁྲིམས་འཛིན་གྱོད་སྒྲུབ་ལ་ཞབས་ཕྱི་བསྒྲུབས་ཏེ། བཅའ་ཁྲིམས་ལྟ་སྐུལ་འགན་ནུས་བསྒྲུབས་པ་ལ་ཟེར།
ལས་སྒོ་དོ་དམ་དང་གྱོད་གཞི་དོ་དམ།སྤུས་ཚད་དོ་དམ་བཅས་ཚན་རིག་དང་མཐུན་པའི་དོ་དམ་བྱེད་ཐབས་ལ་བརྟེན་ནས་ཞིབ་དཔྱོད་ལས་ཁུངས་ཀྱིས་སྤུས་ཚད་མཐོ་བའི་སྒོ་ནས་གྱོད་གཞི་རེ་རེ་སྒྲུབ་ཐུབ་པར་འགན་ལེན་བྱ་དགོས་པ་མ་ཟད།མི་དམངས་མང་ཚོགས་ལ་ཁྲིམས་འཛིན་གྱོད་གཞི་རེ་རེའི་ཁྲོད་འདྲ་མཉམ་དྲང་གཞག་ཚོར་དུ་འཇུག་པར་ཟེར།
“འཁྲིད་དགོས་པ་གསུམ”གྱི་བྱ་བའི་ལམ་སྲོལ།མཚོ་སྔོན་ཞིང་ཆེན་ཞིབ་དཔྱོད་ཁང་གིས་གྲོས་འཆམ་བྱུང་བའི་གཞི་རིམ་ལ་བརྟག་དཔྱད་ཞིབ་འཇུག་བྱེད་པའི་བྱ་བའི་བྱེད་ཐབས་ཡིན་ལ། གྱོད་དོན་དང་བྱ་བ། གནད་དོན་འཁྲིད་ཏེ་བརྟག་དཔྱད་ཞིབ་འཇུག་དང་མཛུབ་སྟོན་བྱེད་པར་ཟེར།
སྲིད་འཛིན་རྩོད་གཞི་དོན་དངོས་ཅན་གྱིས་ཐག་གཅོད། སྲིད་འཛིན་ཞིབ་དཔྱོད་ལྟ་སྐུལ་གྱོད་གཞི་སྒྲུབ་པར་ཕྱོགས་ཡོངས་ནས་སྲིད་འཛིན་གཏུག་བཤེར་གྱིས་གཏན་ཁེལ་བྱས་པའི་ཁྲིམས་འཛུགས་དམིགས་ཡུལ་ལག་བསྟར་བྱས་ཏེ། མི་དམངས་ཁྲིམས་ཁང་གིས་ཁྲིམས་འཛིན་དྲང་གཞག་དང་སྲིད་འཛིན་ལས་ཁུངས་ཀྱིས་ཁྲིམས་ལྟར་ཁྲིམས་འཛིན་ལ་ལྟ་སྐུལ་བྱེད་པའི་དུས་མཚུངས་སུ། རྒོལ་གཏུག་དང་ཞིབ་དཔྱོད་གྲོས་འཆར། ཡོངས་བསྒྲགས་དཔང་ཉན། ཁྲིམས་འཛིན་རོགས་སྐྱོར། ཁྲིམས་འགྲེལ་ལུགས་བཤད་སོགས་ཀྱི་བྱེད་ཐབས་སྣ་མང་སྤྱད་དེ་སྲིད་འཛིན་རྩོད་གཞི་ཁྲིམས་ལྟར་དྲང་བདེན་སྒོས་ཐག་གཅོད་བྱེད་པར་ཟེར།
来 源|黄南州人民检察院
编 辑|政治部
为 大 局 服 务
为 人 民 司 法
为 法 治 担 当
