سۈرەتلەر توپلىمى ∣شىنجاڭ ۋەكىللەر ئۆمىكى «ئىككى ئالىي مەھكىمە» خىزمىتىدىن دوكلات ھەم ئېكولوگىيە-مۇھىت قانۇن دەستۇرى لايىھەسىنىڭ تۈزىتىش كىرگۈزۈلگەن نۇسخىسى قاتارلىقلارنى قاراپ چىقتى
3-ئاينىڭ 10-كۈنى، 14-نۆۋەتلىك مەملىكەتلىك خەلق قۇرۇلتىيى 4-يىغىنىغا قاتنىشىۋاتقان شىنجاڭ ۋەكىللەر ئۆمىكى گۇرۇپپا يىغىنى ئۆتكۈزۈپ، ئالىي خەلق سوت مەھكىمىسى خىزمىتىدىن دوكلات، ئالىي خەلق تەپتىش مەھكىمىسى خىزمىتىدىن دوكلاتنى قاراپ چىقتى، ئېكولوگىيە-مۇھىت قانۇن دەستۇرى لايىھەسىنىڭ تۈزىتىش كىرگۈزۈلگەن نۇسخىسى، مىللەتلەر ئىتتىپاقلىقى-تەرەققىياتىنى ئىلگىرى سۈرۈش قانۇنى لايىھەسىنىڭ تۈزىتىش كىرگۈزۈلگەن نۇسخىسى، دۆلەت تەرەققىيات يىرىك پىلانى قانۇنى لايىھەسىنىڭ تۈزىتىش كىرگۈزۈلگەن نۇسخىسىنى قاراپ چىقتى.
سۈرەتتە: ۋەكىل ۋۇ ۋېنشيۇ (ئالدىنقى رەت ئوتتۇرىدا) قانۇنغا ھۆرمەت قىلىدىغان، قانۇننى بىلىدىغان، قانۇنغا رىئايە قىلىدىغان، قانۇندىن پايدىلىنىدىغان ياخشى مۇھىت يارىتىشنى چۆرىدەپ سۆز قىلماقتا.
سۈرەتتە: ۋەكىل شىڭ گۇاڭچېڭ (ئوتتۇرىدا) سۆز قىلغاندا ئەتراپتىكى دۆلەتلەر بىلەن بولغان قانۇن يۈرگۈزۈش ساھەسىدىكى ئالاقىنى كۈچەيتىش، قانۇنچىللىق ئىختىساسلىقلىرىنى يېتىشتۈرۈش، ئالماشتۇرۇشنى چوڭقۇرلاشتۇرۇش توغرىسىدا تەكلىپ بەرمەكتە.
سۈرەتتە: ۋەكىل ئايدىن تۆلەۋقان (ئالدىنقى رەت ئوتتۇرىدا) سۆز قىلغاندا ئاساسىي قاتلام سوت مەھكىمىلىرى، بولۇپمۇ چېگرا رايوندىكى سوت مەھكىمىلىرىنىڭ ئاقىل سوت مەھكىمىسى قۇرۇلۇشىنى قوللاش ۋە ئىختىساسلىقلار ئارقىلىق ياردەم بېرىش-يۆلەش سالمىقىنى زورايتىش، چەت، يىراق رايونلاردىكى تەپتىش ئورگانلىرىنىڭ ئىختىساسلىقلارنى قوبۇل قىلىش، كىرگۈزۈشىگە سىياسەت جەھەتتە مايىللىشىش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل لى لەن (ئالدىنقى رەت ئوتتۇرىدا) رەقەملىك تېخنىكا ئارقىلىق كۈچ قوشۇشنى يەنىمۇ كۈچەيتىش قاتارلىق جەھەتلەردىكى مەزمۇنلارنى چۆرىدەپ سۆز قىلماقتا.
سۈرەتتە: ۋەكىل مۇسا مەمەت (سولدا) سۆز قىلغاندا يېزا ئىگىلىكىگە ئالاقىدار ساھەلەردىكى قانۇن يۈرگۈزۈش بويىچە قوغداش سالمىقىنى زورايتىش، قانۇن يۈرگۈزۈش بويىچە قۇتقۇزۇش يوللىرىنى راۋانلاشتۇرۇش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل دىلشات پەرھات (ئالدىنقى رەت ئوتتۇرىدا) سۆز قىلغاندا غەربىي قىسىم رايونلاردىكى سوت مەھكىمىلىرىدە چەت ئەلگە ئالاقىدار سوت قىلىش ئىختىساسلىقلىرىنى «تاللاش، يېتىشتۈرۈش، باشقۇرۇش، ئىشلىتىش»بويىچە تەربىيەلەشنى تېزلىتىش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل قۇربان نىياز (ئالدىنقى رەت ئوتتۇرىدا) سۆز قىلغاندا قۇرامىغا يەتمىگەنلەرنى تور بىخەتەرلىكى بويىچە قوغداشنى يەنىمۇ كۈچەيتىش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل جۇ گۇاڭلەن (ئالدىنقى رەت ئوتتۇرىدا) قانۇن يۈرگۈزۈش سالمىقى ۋە ئىللىقلىقىنى نامايان قىلىش قاتارلىق مەزمۇنلارنى چۆرىدەپ سۆز قىلماقتا.
سۈرەتتە: ۋەكىل نۇربىيە سىيىت (ئالدىنقى رەت سولدا) سۆز قىلغاندا قانۇننى ئومۇملاشتۇرۇش تەشۋىقات شەكلىدە يېڭىلىق يارىتىش، قانۇننى ئومۇملاشتۇرۇش ۋاسىتىسىنى بېيىتىش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل ياڭ لىچياڭ (ئالدىنقى رەت ئوڭدا) سۆز قىلغاندا چەت ئەلگە ئالاقىدار قانۇنچىللىق قۇرۇلۇشى توغرىسىدا تەكلىپ بەرمەكتە.
سۈرەتتە: ۋەكىل كۇڭ فېيفېي (ئالدىنقى رەت ئوڭدىن 2-كىشى) قانۇنچىللىق تەشۋىقاتىنى چوڭقۇرلاشتۇرۇش، قانۇن يۈرگۈزۈش مۇلازىمىتىنى يەنىمۇ كۈچەيتىش قاتارلىق مەزمۇنلارنى چۆرىدەپ سۆز قىلماقتا.
سۈرەتتە: ۋەكىل دىلمۇرات ئەسمىتۇللا (ئالدىنقى رەت ئوتتۇرىدا) سۆز قىلغاندا «ئالاقە تورى+داۋالاش-ساغلاملىق»ۋە AI تېخنىكىسىدا قوشۇمچە دىياگنوز قويۇشنى ئاساسىي قاتلامدا ئومۇملاشتۇرۇش توغرىسىدا تەكلىپ بەرمەكتە.
سۈرەتتە: ۋەكىل مىنەۋەر ھەبىبۇللا (ئالدىنقى رەت ئوتتۇرىدا) سۆز قىلغاندا قۇرامىغا يەتمىگەنلەرنى قوغداش پۈتۈن زەنجىرلىك مېخانىزمىنى تاكامۇللاشتۇرۇش، تارماق ھالقىغان ماسلىشىش خىزمەت مېخانىزمى ئورنىتىش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل پاڭ زىجيەن (ئالدىنقى رەت سولدا) سۆز قىلغاندا چېگرا رايونلاردا چەت ئەلگە ئالاقىدار قانۇنچىللىق ئىختىساسلىقلىرىنى يېتىشتۈرۈش سالمىقىنى زورايتىش توغرىسىدا تەكلىپ بەرمەكتە.
سۈرەتتە: ۋەكىل مۇساجان غەيرەت (ئالدىنقى رەت ئوڭدا) ۋەكىللىك مەسئۇلىيىتىنى قانۇن بويىچە ئادا قىلىشنى چۆرىدەپ، پارتىيە ۋە ھۆكۈمەتنىڭ خەلق ئاممىسى بىلەن ئالاقە باغلىشىدىكى ياخشى كۆۋرۈك، ۋاسىتە بولۇش قاتارلىق مەزمۇنلارنى چۆرىدەپ سۆز قىلماقتا.
سۈرەتتە: ۋەكىل ئەكرەم مەمتىمىن (ئالدىنقى رەت ئوتتۇرىدا) سۆز قىلغاندا چېگرا رايوندىكى يېزا رايونلىرىدا قانۇننى ئومۇملاشتۇرۇش تەشۋىقات سالمىقىنى زورايتىش، «بىر كەنتتە بىر سوتچى بولۇش»مېخانىزمىنى ئۈزلۈكسىز مۇكەممەللەشتۈرۈش قاتارلىقلار توغرىسىدا تەكلىپ بەرمەكتە.
سۈرەتتە: ۋەكىل جېڭ يۈفېڭ (ئالدىنقى رەت ئوڭدا) سۈنئىي ئەقلىي ئىقتىدار تېخنىكىسىدا قوشۇمچە سوت قىلىش سىستېمىسىنى نۇقتىدا سىناق قىلىپ قوللىنىشنى كېڭەيتىش، ئاساسىي قاتلام سوت قىلىش كۈچلىرىگە ياردەم بېرىش-يۆلەش سالمىقىنى ئاشۇرۇش قاتارلىق مەزمۇنلارنى چۆرىدەپ سۆز قىلماقتا.
ئانار بۇلۇت╲شىنجاڭ گېزىتى مۇخبىرى سۈي جىجيەن خەۋىرى، فوتوسى
